Fréttir

Unnið er að því að gera heimasíðuna notendavænni og einfaldari. Meðal annars eru komnar inn upplýsingar um móttöku rafrænna gagna og trúnaðarupplýsinga, rafrænar umsóknir til félagsþjónustu og rafrænar tilkynningar til barnaverndar. Ekki eru öll eyðublöð félagsþjónustunnar orðin rafræn ennþá og er hægt að hlaða þeim niður, fylla þau út og vista í tölvunni sinni og senda svo rafræn í gegnum Signet transfer. Á næstu vikum verður unnið að frekari umbótum á síðunni.

Í dag tók Dagný Rósa Úlfarsdóttir formlega við lyklavöldum sem fræðslustjóri Austur-Húnavatnssýslu af Þórdísi Hauksdóttur. Þórdísi eru þökkuð vel unnin störf síðustu ár sem fræðslustjóri og óskað velfarnaðar á nýjum vettvangi.

Laus er staða við ræstingar í sameign Hnitbjarga á Blönduósi og á skrifstofu Félags- og skólaþjónustu A-Hún.

Nú hefur forvarnarverkefni Norðurlands vestra litið dagsins ljós. Markmið verkefnisins var að búa til sameiginlega forvarnaráætlun fyrir Norðurland vestra til fjögurra ára sem myndi stuðla að farsæld og forvörnum allra barna á svæðinu.

Skrifstofa Félags- og skólaþjónustu A-Hún er lokuð 27. – 29. desember. Á opnunartíma má hafa samband við: Söru Lind félagsmálastjóra sími 8654863, netfang sara@felahun.is Þórdísi Hauksdóttur fræðslustjóra sími 6615812, netfang thordis@felahun.is Í neyðartilvikum og utan skrifstofutíma hringið í 112.

Félags- og skólaþjónusta Austur Húnavatnssýslu og Alda Ingibergsdóttir undirrituðu í dag tveggja ára samning. Samningurinn lýtur að sálfræðiþjónustu í leik- og grunnskólum í Austur Húnavatnssýslu ásamt samstarfi við barnavernd á svæðinu. Alda hefur víðtæka reynslu úr skólaþjónustu, heilsugæslu og barnavernd. Hún mun koma einu sinni í mánuði og sinna fjarvinnu þess á milli. Hér sjást Þórdís Hauksdóttir fræðslustjóri, Alda Ingibergsdóttir sálfræðingur og Sara Lind Kristjánsdóttir félagsmálastjóri við undirritun samnings.